Latest Update

ေကၜာန္ဍာံဒးဒွ္၊ ေကတ္ဍာံဒးဂြံ၊ အာဍာံဒးစိုပ္

Wednesday, January 23, 2013

ၿဗဲလြဟ္ေဇှာ္ ဇေရင္လာဲသာ



ဌာန္ပ႐ိုင္ၐိုပ္ထဝ္ ဇာန္ဝါရ႘ (၂၂)

ႏူဂယးဏံ ၐိုတ္ ၁၁ နာဍ႘ ပႜဲမြဲဂရပ္ေႏွာဝ္ဒုႝ ဒုႝအေလန္ဗန္ကုႝ ဒုႝခါယာ ဇေရင္ဍဳင္လာဲသာဂွ္ ဒပ္အလုႝသ႘တအ္ ခႜိဳင္ဗဂူဒဿံင္လြဟ္ေဇှာ္ ေဇှာ္ကုႝျဒဟတ္- သာ္ဝြံ သှာဲဒါ KIA မြဲတၜ ႏြံပႜဲမုက္ပှာန္ ဒုႝခါယာဂွ္ ဟုီရ။

“ ကံလြဟ္ေဇှာ္တအ္ဏံဂွ္ ကၜဳင္ႏူဒုႝ ၇၇၁ ၊ ဒုႝဖာန္ပ်ာန္ဗန္ ကုႝ မာန္ေတဝ္ေတံရ။ ပန္မံင္မြဲတဲဟြံဇူရ။ အဓိကေဍံတအ္ပန္ဂွ္ မြဲဂရိပ္စး ဒုႝခါယာ ရ။ ပု႙ဂွ္ ဗုီတြဳႝတြဳႝေတံဟြံေသင္၊ ဒုင္ခ႘ ေဝင္ဆုတ္ဟြံမြဲေတွ္ ေဍံတအ္တိုန္ဟြံဂြံ” ဂးရ။

ပန္မံင္လြဟ္ေဇှာ္ဂွ္ ၐိုတ္ဗလံက္စက္ကုီရ ဆက္မံင္ ဟြံျခာသကၠေထင္ေကတ္ရ။ အဟိန္လြဟ္ေဇှာ္ေစွ္႐ိုပ္မံင္ဂွ္  ဒပ္တိုက္ ႏူေဢာံဒပ္(၆၆)ဂွ္ေလဝ္ ဗၵလုပ္ကၜဳင္ တံဒုႝခါယာ ဂးရ။ ေလာန္ကၜဳင္ ႏူ(၂)တၛဲေတံရ ဒပ္အလုႝသ႘တအ္ ပန္ဖေလွက္မံင္ ဒုႝခါယာ ဏံရ။

 အမၜံက္ ႏူယွဒါန္ပါေတံေလဝ္ ပန္ဒဿံင္ဒုႝခါယာဏံ ဟြံမြဲကုႝဇှဴဇူကုီရ။ လြဟ္ေဇှာ္ေစွ္မၢး တိမေညာတ္ ျဗဳသဓုႝမံင္ ညံင္ဂဂုႝတး ပန္ေဂတ္ကၜိဳဟ္ဒိုဟ္ကုီ ရဲေကအာဲေအ ဒုင္တဝ္ေစှဟ္မံင္ ပႜဲဒုႝခါယာဂွ္ ဟုီရ။လၸာ္ဒပ္အလုႝသ႘ အမိင္ဟြံလုပ္ ဖ်ဳင္ဂဥဳဲေခ်ံတုဲ ၐိုန္ဂစာန္ဗၲိဳက္မံင္ ဒုႝခါယာ သုီဟြံဇူဗၲံတၛဲကုီေလဝ္ တၛဲဏံ ဒုႝ(၅)နာဍ႘သဝ္တၛဲဂွ္ တိုန္သီဟြံမာန္ဏီဖိုဟ္ ဂးရ။
လၸာ္ဒုႝဠဂါတ္ေတံေလဝ္ လၸာ္ဒပ္အလုႝသ႘ ျပဟ္ဒတုံဂၜိဳင္မံင္တုဲ ယိုတ္ဟြံမာန္ဏီ ဂြံတီေကတ္ရ။

ေဢာံဒပ္(၁၀၁) ဒဿါႏူဒးဂိ ျပဟ္ဒတုံဂၜိဳင္ေလာန္အာဂွ္ရ အလုႝသ႘ဂြဂိဗြဲမေလာန္တုဲ ထပ္ပလံင္ဗၥိဳပ္ ျဒဟတ္ပှာန္႐ုီ ထပ္ကုႝထပ္ပၜန္ KIA ဟုီရ။ ဒွ္သာ္ဂွ္ရ ေဢာံဒပ္(၆၆) ကုႝ ဒပ္ႏူတြဳႝရးကယာဂွ္ လဿဳဟ္စိုပ္မံင္ ေဒသလဂ်ာယာန္ရ။

ေပါဲပှာန္လဂ်ာယာန္ဂွ္ ပဒိုအ္ေထာံဣရ သာ္ဝြံ ပႜဲဇာန္ဝါရ႘ (၁၉)ဂွ္ သမၼတတိင္သိင္ လေလာင္ပၲိတ္တုဲကၜဳင္ကုီေလဝ္ ဒုႝကုႝဇာန္ဝါရ႘ ၂၂ သဝ္တၛဲ (၆)နာဍ႘ဂွ္ မုက္ပှာန္လုႝေလဝ္ ဒိုအ္ပန္ေပွာ္ဟြံမြဲတုဲ ဆက္ထၸက္မံင္ဖိုဟ္ရ။

အလုႝသ႘ဝြံ ဗုီေတဿာ္လဝ္ဂွ္ ေဍံဟြံဒွ္ကၜဳင္၊ ေဆာံေလင္ဂၜိဳင္ မိက္ဂြံေကႅင္ဗက္တံတုဲ ၾကအ္အ္ငၛိဳက္က္ ဆက္ထၸက္မံင္ပှာန္ဖိုဟ္ရ။ ပေရင္လေဝင္ပှာန္လာဲသာ ညံဂြံဒိုအ္ဂွ္ ႏူဍဳင္ၾကဳက္ ဗလးညးစှးတုဲ ၐိုန္ကၜဳင္ဖၲိဳက္ေဖၟာဝ္ကုီေလဝ္ ဟြံဒိုအ္ဏီဖိုဟ္ရ။ အေမရိကာန္ကုႝ ဗ်ိတိင္တအ္ေလဝ္ အာတ္မိက္လဝ္ ညံင္ဂြံပဒိုအ္ပှာန္ကုီရ။

ဒပ္ပှာန္ကေခ်င္ဂွ္ ပႜဲပြိဳင္မြဲဂိတု ပု႙ဗၲိဳက္ဖၟိဳတ္မာန္ေဏါင္ သာ္ဝြံ ပႜဲသှာံ ၂၀၁၁ ေတံ သမၼတတိင္သိင္ အေဃာအာတိုန္စိုပ္ ေကာံဓ႐ုီအာၿဇ႘ယာန္ ပႜဲဍဳင္ေအန္ေဒါန႘ယွာဂွ္ ဟုီႀကဳီလဝ္ရ။ ၐိုန္ဂွ္ေလဝ္ မြဲဂိတုလၸဟုီဏီ ေဝင္ကၜဳင္ပှာန္ လၲဴ KIO ဂွ္ ဒုႝကုႝလဿဳဟ္မၢး ဂၜိန္လုပ္ကၜဳင္ဗၵာဲၐါသှာံကၜာရေလဝ္ ဟြံအံင္ဇှးဏီဖိုဟ္တုဲ ဂိဂိဂြဂြ ဆက္ဗၲိဳက္မံင္ဏီရ။

မြဲလၸာ္ပၜန္ဂွ္ ဒပ္ပှာန္ဝြံ ဟြံကႅင္အသံသမၼတ၊ ဒပ္ပှာန္ကုႝ သမၼတဂွ္ လညာတ္ေဗၜင္ လညာတ္ထၠးမံင္ ရင္သၠံေဏါင္ နမပၲံသာ္ဏံ ပၲိတ္ပ႐ိုင္ေကာလာဟလတုဲ ေဝင္ဒဿံင္ပှာန္ပေလွ္စိုတ္ဓါတ္ဂွ္ ဗြဲမလအ္ရ။ၐိုန္ဂွ္ေလဝ္ လၸာ္လုႝေလဝ္ ဟြံအံင္ဇှးတုဲ အလီမံက္တိုန္အိုတ္ရ။
ေသှာဝ္ဥပေဒ(၂၀၀၈) ညံင္ဂြံတန္ၾကန္၊ ဒပ္ေကာန္ဍဳင္အရင္တအ္ ညံင္ဂြံကဝ္ေစွ္ဂွ္ ဒးဝးပၠဝ္လဝ္ေဏါင္ လၸာ္အလုႝသ႘ ဒုင္ေကတ္လဝ္ေကြတ္ဏံဖိုဟ္တုဲ ေသှာတ္တၜအဝုႝပှာန္ ႏြံတဵမံင္ဏီမၢး ေကြတ္ဝါဒဏံ အိုတ္အးအာဟြံေသင္ရ။ ဂတႏူဏံေလဝ္ သမၼတကုႝ ဂအုပ္ကႜိဳက္ပ္ဒပ္ပှာန္တအ္ စကာနဲျပယာဲနာနာသာ္ ဇ႘ဇ႘ဒိုဟ္တုဲ ဆက္ဖၟိဳတ္အာ ဂေကာံရပ္လြဟ္ေကာန္ဍဳင္အရင္တအ္ပၜန္ေဏါင္ ရဲသၛ႘ဂၜိပ္ပေရင္ပှာန္တအ္ ဟုီရ။

0 comments:

Facebook Fan Page