နယ်စပ် ဖြတ်ကျော်ကာ ထိုင်းသို့ ခိုးဝင်မှုများ ရှိနေဆဲ
ရွှေဟင်္သာသတင်းဌာန
“ကျွှန်တော်တို့ကို ကားပေါ်
တင်ထားပြီး သွားဖို့ စောင့်နေ တုန်းမှာ စစ်တပ်ကို တွေ့လို့ ကားမောင်းသမား နှစ်ဦးက
ထွက်ပြီး သွားပြီး ကား နှစ်စီးပေါ်မှာ ကျွှန်တော်တို့ ချည်းပဲ ကျန်ခဲ့တယ်၊ အဲဒီမှာ အဖမ်းခံ
လိုက်ရတာပဲ” ဟု အဖမ်း ခံရသည့် မော့ကနင် ရွာသား တစ်ဦးမှ ပြောပါ သည်။
ဖမ်းဆီး ရမိသူများတွင် မွန်၊ မြန်မာသည် အများစု ပါဝင်ပြီး ချင်း
၂၈ ဦး ပါဝင်သည်။ ယောက်ကျား ၅၃ ဦး၊ မိန်းကလေး ၁၈ ဦးနှင့် ၅ နှစ်ခန့် ကလေး တစ်ဦး
ပါဝင်သည်။
ဖမ်းဆီး ရမိသည့် သူများ ထဲတွင် အထူးသဖြင့် မွန်ပြည်နယ်မှ ဖြစ်ကြပြီး
မော့ကနင်၊ လမိုင်း၊ ကျိုက်မရော၊ မော်လမြိုင်၊ မုဒုံ၊ ဘီလူးကျွန်း၊ ကျေးရွာများအပြင်
ချင်းပြည်နယ်မှ လူများ ဖြစ်ပါသည်။
ထိုသူများသည် ထိုင်းနှင့် မလေးရှားကို အဓိက သွားရောက်ရန် ရည်ရွယ်ကြပြီး
ချင်းလူမျိုး များမှာ အားလုံးသည် မလေးရှားသို့ သွားရောက် ရန် ဖြစ်ပါသည်။
ထိုင်းနိုင်ငံသို့ အလုပ်သမား ပါတ်စပို့ဖြင့် တရားဝင် အလုပ်လုပ်ခွင့်
ပေးထားသလို အလားတူ မလေးရှား နိုင်ငံသည်လည်း တရားဝင် အ လုပ်လုပ်ခွင့် ပေးထားပြီးဖြစ်ပါသည်။
ဤကဲ့သို့ တရားဝင် အလုပ်လုပ်ခွင့် ပေးထား သော်လည်း အများစုသည် တရားဝင် လုပ်ခွင့် ရှိကြောင်း
ယခုအထိ သိရှိခြင်းမရှိပေ။ ဤသို့ကြောင့် ခိုးဝင်မှုများ
ရှိနေဆဲဟု ဆိုနိုင်ပါသည်။
0 comments:
Post a Comment